З нагоды Міжнароднага дня роднай мовы ў нашай школе на працягу ўсяго дня гучала беларуская мова. У бібліятэцы была наладжана сустрэча з нашай зямлячкай, членам Саюза пісьменнікаў Беларусі, членам Саюза пісьменнікаў Саюзнай дзяржавы, лаурэаткай абласной літаратурнай прэміі імя Уладзіміра Калесніка, перакладчыцай з сербскай, туркменскай, таджыкскай, украінскай моў, аўтарам паэтычных зборнікаў «Кроплі» і «Палыновая квецень» паэтэсай Марыяй Кобец.
Бібліятэкарамі і настаўніцай беларускай мовы Цясевіч Аленай Рыгораўнай разам з вучнямі пятых класаў быў падрыхтаваны і праведзены флэш-моб ”Чытаем вершы на беларускай мове”, які садзейнічаў папулярызацыі беларускай літаратуры сярод навучэнцаў пачатковых класаў. У самой бібліятэцы прайшла акцыя “Размаўляй з намі па-беларуску – атрымлівай падарунак”.
|